-Establécese como único requisito ás persoas que desexen pertencer a esta plataforma, a intención de se comprometeren na defensa da lingua galega e na promoción do seu uso en todos os ámbitos, tanto públicos coma privados.
-Dado que a lingua galega é patrimonio do pobo galego, rexeitamos calquera pretensión de apropiarse dela ou de atribuírlla a calquera grupo ou ideoloxía particulares. Por iso ProLingua se declara unha plataforma apartidaria e plural.
-Os membros de ProLingua sono a título persoal e non portan representatividade ningunha de grupos ou asociacións na súa pertenza a esta plataforma.
-ProLingua promoverá accións de todo tipo encamiñadas á consecución dos seus obxectivos, mais nunca se sumará como ProLingua a ningunha acción allea, á que terán plena liberdade de agregarse as persoas que a integran de forma individual.
-Cando nunha acción figure o logo de ProLingua nunca poderá figurar ningún outro, sexa do tipo ou motivación que sexa.
-A representatividade de ProLingua recae na totalidade dos seus membros en plena igualdade e non terá máis camiño de interlocución cos poderes públicos có cumprimento íntegro dos seus obxectivos.
o ago 5th, 2009 ás 6:21 pm
Vaia a miña adhesión á plataforma sempre que permaneza fiel e decididamente na defensa do mellor patrimonio identitario do nós colectivo: a lingua, o idoma, a linguaxe, a historia e o territorio. Sin fanatismos pero sin renuncias. Non. Non podemos deixarnos morrer e menos deixar que nos maten alevosamente desde dentro da propia casa. Cada quén será responsabél, como persoa e como colectivo, como cidadán ou como partido, do mal ou do ben que faga á propia nai Galiza. Ánimo e entre todos si seremos capaces de sermos dignos fillos de tal nai.
o ago 5th, 2009 ás 8:56 pm
Vaia tamen a miña adhesión na defensa do idioma de Galicia.
o ago 5th, 2009 ás 9:10 pm
En total acordo co manifesto. Lingua libre de ideoloxías, a lingua de tod@s
o ago 5th, 2009 ás 11:04 pm
La lengua nunca estará libre de ideologías porque precisamente es el estado mas puro en el que se encuentra la ideología en la naturaleza.
o ago 6th, 2009 ás 12:53 am
Longa vida!
o ago 6th, 2009 ás 10:33 am
Parabéns e grazas pola iniciativa. Para serdes consecuentes co punto “Cando nunha acción figure o logo de ProLingua nunca poderá figurar ningún outro, sexa do tipo ou motivación que sexa” seguramente deberiades retirar o logo de “blogaliza” da web da iniciativa. Saúdos
o ago 6th, 2009 ás 12:59 pm
Eu estou aquí tamén, apoiando, loitando, defendendo. Podedes contar comigo
o ago 6th, 2009 ás 11:44 pm
Aparece o logo de Blogaliza polas mesmas razóns polas que sae abaixo “Wordpress” e o nome do creador do estilo visual do blog. Na miña opinión non é exactamente o mesmo caso que o que se explica no manifesto respecto das accións, mais é algo que se pode discutir, sen dúbida.
o ago 7th, 2009 ás 3:41 pm
Penso que o argumento dado é suficientemente convincente.
o ago 7th, 2009 ás 6:26 pm
Podedes contar comigo no labor de defensa da nosa lingua. É a nosa responsabilidade normalizar o seu uso e mantela viva, coma o noso gran patrimonio e sinal de identidade.
o ago 8th, 2009 ás 12:54 pm
adiante
o ago 8th, 2009 ás 5:25 pm
Estoy de acordo co ideario de funcionamento de ProLingua. Eique deixo constancia do meu apoio.
o ago 8th, 2009 ás 5:28 pm
Estou de acordo co ideario de funcionamento de ProLingua. Eiqui deixo constancia do meu apoio.
o ago 9th, 2009 ás 11:29 am
temos dereito ao optimismo
o ago 9th, 2009 ás 10:24 pm
Dise: “(Prolingua) nunca se sumará a ninguha acción allea, a que terán plena libertade…”. Pero non dades explicación do pq negadela vosa colaboración CORPORATIVA xunto con outros. ¿Pódese saber?.