Anotacións etiquetadas ‘asemblea’

Será mañá sábado día 3 de outubro ás 11,30 no Salón de Actos da Facultade de Filoloxía da Universidade de Santiago de Compostela (Campus Norte). Presentaremos publicamente ProLingua, plataforma plural e apartidaria que ten como obxectivos exclusivos a promoción do galego como lingua propia de Galicia e a consecución da súa oficialidade real.

Convidamos a todas as persoas comprometidas na defensa da lingua galega a participar neste acto no que daremos a coñecer os obxectivos e a estrutura de funcionamento da plataforma, así como as primeiras accións que se levarán a cabo.

O sábado día 3 de outubro, ás 11,30 da mañá comezará, no Salón de Actos da Facultade de Filoloxía da Universidade de Santiago de Compostela (Campus Norte), a Asemblea de presentación pública de ProLingua, plataforma plural e apartidaria que ten como obxectivos exclusivos a promoción do galego como lingua propia de Galicia e a consecución da súa oficialidade real.

Chamamos a todas as persoas, e non só aos membros de ProLingua, que compartan a arela da defensa do galego, a participar neste acto no que daremos a coñecer os obxectivos e a estrutura de funcionamento da plataforma, así como as primeiras accións que propoñemos levar a cabo.

Acudide o sábado día 3 de outubro a Compostela e traede convosco as persoas do voso afecto e da vosa confianza. Deamos xuntos a primeira pasada no camiño.